Mae tîm yr "Occies" yn cynrychioli ochor gymdeithasol clwb rygbi Cymry Llundain
sydd wedi ei leoli yn ne orllewin Llundain. Serch ein henw, rydym yn chwarae
bob dydd Sadwrn yn ddi-ffael a chan amlaf mae digon ar gael i ddau dîm ac ar
adegau hyd yn oed dri.
Croesawn chwaraewyr ac aelodau newydd yn gyson a beth bynnag yw safon eich
sgiliau rygbi, mi fydd y cwrw a'r chwerthin mor galed a chyflym â rhai o'r
taclau a geir ar y parc ar brynhawn Sadwrn.
Lleolir y clwb yn Old Deer Park - cartref
enwog Cymry Llundain RFC a all gael ei gyfri fel un o glybiau rygbi enwoca'r
byd. Mae'r rhestr o gyn "Occies" enwog yn faith gan gynnwys enwau megis JPR
Williams - chwaraewr rhyngwladol i Gymru a'r Llewod; ac Eirwyn Williams
chwaraewr hynod o dalentog.
Chwaraea'r tîm XV 1af yn Ail Adran y
'Middlesex Merit Table', ac mae'r ail XV yn chawarae nifer o gemau cymdeithasol
yn erbyn rhai o dimoedd gorau Llundain a thu hwnt. Ar ôl y gemau mae pawb yn
casglu nôl yn y bar i fwynhau noson draddodiadol mewn clwb rygbi.
Felly os ydych a'ch brid ar y sialens o fod yn "Occie" dewch lawr i'r cae
chwarae ar ddydd Mercher ar gyfer y sesiwn ymarfer (7:15 er mwyn dechrau am
7:30), neu gysylltwch ag un o'r aelodau.